लॉकडाऊन थोडं शिथिल झालेलं म्हणून ह्या छान भुरभुर पावसात ☺️ कुठेतरी जवळपास फिरायला जाऊन थोडं चटक मटक खाऊन बघावं म्हणून खोटं खोटं रागवायचा खटाटोप बाकी काही नाही😜
" नाकावरच्या रागाला औषध काय?🤔
गालावरच्या फुग्यांच म्हणणं तरी काय?🤔
माझी लाडली ग, माझी गोडली ग 😍
सांगा आमच्या छकुलीला झाल तरी काय?🤔"
"कळत नकळत" सिनेमातील हे गाणं लागायची आणि अहोंच्या बायकोला उगागच फुगून बसायची एकच वेळ झाली😝 मला कुरकुरीत पेरी पेरी फ्राईज🍟 खायचेत सोबत बन मस्कापाव🍞 आणि मसाल्याचा चहा☕ पण हवाय आत्ताच्या आता😢
आणि मग न सांगता गाडी वळली ती निगडी प्राधिकरण येथील "कॅफे मस्कपाव" कडे. वंदना ताईंची ह्यासंबंधीत असणारी जाहिरात नुकतीच काही ग्रुप्सवर बघण्यात आली होती.
लॉकडाऊन थोडं शिथिल झालेलं म्हणून मग स्वतःच जाऊन खाऊन बघावं म्हणून खोटं खोटं रागवायचा खटाटोप बाकी काही नाही😜
मी चहाप्रेमी असल्याने मसाला चहा आणि बन मस्का मागवला, सोबतच व्हेज पोटॅटो सँडविच, पनीर ग्रील सँडविच आणि पेरी पेरी फ्राईज🍟 आता रागावली आहे म्हणून इतकुसच बोलवलं 😛 मुलासाठी व्हेज ग्रील सँडविच, कोल्ड कॉफी मागवली. ह्यांनी कॅफेत आणलंय म्हंटल्यावर त्यांच्या आवडीची बन भुर्जी, अंडा ऑम्लेट सँडविच, मसाला चहा ऑर्डर केला.
कोरोना संबंधित सर्व नियम पाळून स्वच्छतेची पूर्ण काळजी घेऊन कॅफेमध्ये पार्सल सुविधा सुरू होती आणि पटकन खायचे अथवा चहा प्यायचा असल्यास कॅफेबाहेर टेबल खुर्च्या ठेवल्या होत्या.
सेल्फ सर्व्हिस सिस्टीम एकदम छान, पेपर प्लेट्स मध्ये पदार्थ सर्व्ह करण्याची पद्धत आवडली विशेषतः ह्या कोरोना काळात 👍 पदार्थ घेऊन जाण्यासाठी स्वच्छ ब्लॅक ट्रे 👍 प्रत्येक टेबल स्वच्छ आणि विशेषतः खुर्च्या व्यवस्थित मांडलेल्या👍 सर्व टेबल्सवर पाण्याच्या बॉटल फिल्टर पाण्याने भरून ठेवलेल्या👍 फिल्टरच्या बाजूला सॅनिटायझर होते आणि बेसिनजवळ हॅन्डवॉश देखील होते. एकंदरीतच ग्राहकांच्या आरोग्याची काळजी पुरेपूर घेण्याची सोय असलेली दिसली. टेबलांमधील अंतर देखील पुरेसे होते👍 लायटिंग व भित्तीचित्रे मला फार आवडले आणि अभिप्राय भिंत मस्तच 👌
आता खाण्याकडे वळूया -
१) बनमस्का - Wow 👌 ताजा बन , फ्रेश, मऊ आणि भरपूर लोण्याने माखलेला 🤤 I think Amul Butter वापरलेले.
२) चहा - मसाला चहा ☺️ माफक गोड माझ्यासारख्या कडक शुगरवाल्यांना चालेल असा. आम्ही तब्बल ४ कप घेतला😜 सुरवातीला २ कप नंतर शेवटी निघतांना २ कप.
३) व्हेज चीझ ग्रील सँडविच - पहाताच पोरगं बाबो 😲 आई इतके मोठे तुकडे😛 त्यावर भरपूर किसलेलं चीझ आणि साईडला My Favorite पोटॅटो चिप्स☺️ पहिल्याच घासात विकेट पडली 👍 मस्तच चव आणि स्पेशली त्यावर लावलेली ग्रीन चटणी😋 मजा आली. पोरगं व्हेज चीझ ग्रील सँडविच मध्येच आउट झालं😂
४) पेरी पेरी फ्रेंज फ्राईज - व्यवस्थित तळलेले, मसाल्याने छान कोट झालेले 👌 क्रिस्पी We Love It 😍
५) एग ऑम्लेट सँडविच - आमच्या ह्यांच्यासाठी ☺️ आता बायको व पोरग एवढं मजेने ताव मारून खाताय म्हंटल्यावर नवरोबा को भी तो कुछ ट्रीट मिलनी चाहिजे के नाही 🤔 म्हणून मग बोलवलं एग ऑम्लेट सँडविच 👍 खूप छान चव तिखट जे मुद्दाम बनवायला सांगितलं होतं.. आणि पुन्हा साईडला पोटॅटो चिप्स🤗 माझ्यासाठी हो....🤣😂
६) बन भुर्जी - झटका👌 असं हे म्हणाले, छान तिखट भुर्जी आणि सोबतीला काकडी स्लाइस व लिंबाची फोड👍 बन तर इतका मऊ आणि बटरी की तोडतांनाच कापसाला हात लावल्याची फीलिंग😊
ह्यांना आवडले पुन्हा यावं लागेल म्हणाले😎 माझ्यासाठी तर लॉटरीच....😍
७) पनीर ग्रील सँडविच - मस्त मस्त तिखट मी तिखटप्रेमी ना म्हणून 😛 तुम्ही जस हवं तसं बनवायला सांगू शकता👍 छान क्रिस्पी👌 ब्रेडच्या कडा व्यवस्थित भाजल्या गेलेल्या. पनीर टाकण्यात इतर ठिकाणी करतात तशी कंजूसी अज्जिबात नाही मोठ्या प्रमाणात पनीर क्रश आणि तुकडे येतात 😍.
बघा गेलो होतो फक्त बन मस्का खाण्यासाठी आणि आने दो आने दो म्हणतं इतकं सगळं पोटभर खाऊन वापस आलो.... शाम बन गयी मेरी तो.... दस बारा फोटो तो बनता हैं ना भाई.... खिचिक खिचिक...😜
मॅकडोनल्डला जाऊन पैसे वाया घालवण्यापेक्षा कॅफे मस्कापाव ला जाऊन हायजेनिक वातावरणात विशेषतः मराठी कुटुंबाने चालवलेल्या ह्या पोटभरीच्या मेनूला पसंती दिलेली माझ्यामते तरी केव्हाही चांगली👍🙂
*कॅफे मस्कापावला जाण्यासाठी सगळ्यात सोपा पत्ता असा -
आकुर्डी रेल्वे स्टेशन समोर पाठ करून उभे राहिल्यास नाकासमोर जो सरळ रस्ता जातो त्यावर गेल्यास अर्धा मिनिटात डाव्या हाताला केरला भवन दिसेल. त्याच्यासमोर पाठ करून उभे राहाल तर डोळ्यांसमोरच कॅफे मस्कापाव चा मोठा बोर्ड दिसेल चार ते पाच पायऱ्या उतरून तळाला कॅफेमध्ये जाऊ शकता👍
कॕफे ओनर वंदना मिलिंद दांडेकर.
कॕफे अॕड्रेस
कॕफे मस्का पाव.
शाॕप नं ४ गणेश एनक्लेव,
सि.एम.एस. केरला भवन समोर,
इंडियन बँकेच्या खाली.
अकुर्डि स्टेशन रोड. अकुर्डि.
9225601877/ 8329005180
✍🏻©®सौ. मधुरा देशपांडे
No comments:
Post a Comment