Simple Short Meyo Sandwich

Simple Short Meyo Sandwich

#शाळेचा पहिला दिवस

नवीन दप्तर 🎒, नवीन टिफिन, नवीन वॉटरबॅग, नवीन वर्ग🏫, नवीन टीचर👩 नवीन पुस्तक 📕📖📚आणि नवीन पुस्तकांचा तो धुंद करणारा सुगंध.
सगळं सगळं पुन्हा अनुभवतेय मी माझ्या मुलाच्या रुपात. त्यालासुद्धा खूप आवडतो नवीन पुस्तकांचा सुवास अगदी माझ्याच सारखा.

" अगं चिमे आवरलं का तुझं ? भरलं का सगळं दप्तर वेळापत्रकानुसार? बंड्या उठ रे बाबा आता सुट्ट्या संम्पल्या शाळा सुरु झाली आजपासून."

"अहो तुम्ही पण आटपा बरं आंघोळ करा लवकर. पोरांना शाळेत नेऊन सोडायचयं आपल्याला. व्हॅन वाला शाळेतून घरी आणून सोडणार आहे मग त्यांना. आणि तो ओला टॉवेल बेडवर नका बरं टाकू 😣"

"ए आईssss मला पहिल्याच दिवशी पोळी भाजी नकोय टिफिन मध्ये, चटपटीत दे काहीतरी , " असे काहीसे  सुखद संवादिक भांडण साधारण सर्वच घरांमध्ये शाळेच्या पहिल्या दिवशी दिसून येते.

माझं घर पण या सगळ्या गोष्टींना अजिबात अपवाद नाहीये.

आमच्या बाहुबली ला आज शाळेच्या पहिल्या दिवशी टिफिन मध्ये स्वतः बनवलेले सँडविच न्यायचे होते. मग पठ्ठयानी अलार्म न लावता व मी न उठवता 7 वाजता जागा होऊन अगदी उत्साहाने सगळी तयारी केली आणि सँडविच बनवले.

 म्हणाला," मी सगळ्यांना share करणार आहे आणि टीचर ला पण सांगणार माझ्या सुपर आई नी शिकवलं आहे मला. आणि सुट्टीत मी फायरलेस cooking शिकला म्हणून".

" सुपर आई"  हे मात्र नवीनच होत मला. मी विचारलं, "सुपर आई", का बर म्हणाला ?तर म्हणतो कसा," तुला सगळं माहित आहे मला आणि बाबाला तू सगळ्या questions ची answers देते न आम्ही विचारलेल्या म्हणून तू सुपर आई".

 पाणी आलं हो डोळ्यात . खरच तर बोलला तो प्रत्येक लेकरासाठी त्याची आई सुपर आईच असते.

निघतांना न सांगता देवाला नमस्कार केला आणि चांगली बुद्धी दे म्हणाला . छान वाटलं, "पोरग सुधारल", म्हणाले हे 😂

गेलो मग शाळेत सोडायला. वाटलं होतं रडेल😢 म्हणून मग मी समजूत घालेल 😊 पण झालं उलटंच सगळी पाखरे  किलबिलाट करून एकमेकांना भेटली. रडारड नाही की गोंधळ नाही आणि चक्क हात हलवून हसत हसत 😃बाय बाय✋ करत गेले पण वर्गात.

 मी आपली आ वासून बघतच राहिली . खरच आहे आजकालची पिढी खूपच हुशार ( चांगल्या अर्थाने )आणि प्रॅक्टिकल आहे.

नाहीतर मी किती गोंधळ घातला होता शाळेत जातांना बापरे जणू मी सावत्र मुलगी आहे आणि आई बाबा  मला कैदखान्यात नेत आहे असेच वाटले होते तेव्हा.

असो झालं पुन्हा रुटीन सुरु ....☺ तुमच्या साठी माझ्या बाहुबली नि बनवलेलं सँडविच पाठवतेय🙏

• साहित्य :

ब्राऊन ब्रेड ४, मेयॉनीज, टमाटा १, कांदा १, चीझ स्लाइस २, टोमॅटो सॉस २ चमचे, काकडी १ गोल कापून. लेट्युस ची पाने २, पिझ्झा स्पाईस मिक्स १ चमचा

• कृती : 

ब्राऊन ब्रेड चे चार स्लाइस घेऊन त्याला तुमच्या आवडीचे मेयॉनीज लावून घ्या. त्यावर पिझ्झा स्पाईस मिक्स टाका. कांदा, टमाटा, काकडी आणि आवडत असल्यास लेट्युस ची पाने पसरवून घ्या. त्यावर टोमॅटो सॉस टाकून वरून चीझ स्लाइसचे तुकडे ठेवा आणि एकमेकांवर पूर्ण तयार ब्रेड ठेऊन खायला द्या.  

Mumbai cha Vdapav

#आमचीsssssमुंबई

 

"काय हे मुंबईत आलीस आणि मुंबईचा वडापाव नाही खाल्लास," मग तू कसली ग खादाडी ? असं माझं मन मलाच खात होत कालपासुन 😢 पण करणार काय इलाज नव्हता. कारणही तसंच होत.

आत्तापर्यंतच्या आयुष्यात पहिल्यांदाच मी मुंबईत आली अबाबो ! किती उंच इमारती डोक्यावरची टोपी नक्कीच खाली पडली असती 👍, सगळीकडे उड्डाणपुलांचे जाळे, सतत धावपळ करणारी माणसे, जवळून भुर्रर्कन जाणारी वाहने हे सगळं मी पहिल्यांदाच दूरचित्रवाणी सोडून  प्रत्यक्ष अनुभवत होती.

 स्वागताला म्हणायला 10 मिनिटांचा धो धो पाऊस व ट्रॅफिक जाम नंतर पुन्हा सगळं सुरळीत सुरु. शेवटी पोहोचलो बाबा निश्चित स्थळी पश्चिम विक्रोळी ला, गोदरेज कंपनीच्या रेसिडेंशील वसाहतीत 🙂 .

पहाताच क्षणी डोळ्यांना दिसणारी सुंदर हिरवाई, अधूनमधून लपाछपी खेळणारा उनाड आणि द्वाड पाऊस, शिस्तीने परेड करणारी अशोकाची, जांभळाची  कडुलिंबाची, बुचाची इ. झाडे. बघून मन टवटवीत झाल्यासारखे वाटले. संध्याकाळमुळे जेवढे दिसले ते पण मनाला आनंदून गेले. संपूर्ण घरांची वसाहात गर्द झाडींनी वेढलेली आहे. जणू काही एखाद्या हिल स्टेशन वरच्या रिसॉर्ट मधेच आलोय असं वाटत होत.

रात्री काकूंच्या हातच गरमागरम जेवण करून मस्त झोप लागली. सकाळी जाग आली तीच मुळी पोपट, कावळे, मैना, साळुंख्या, चिमण्या यांच्या किलबिलाटांनी . 

" पहाटे लाही जाग यावी, इवली किलबिल कानी पडावी।      थंडीची चादर ओढून, पाऊस येतो गिरक्या मारून ।।

जणू म्हणत असावेत," उठा हो पाहुणे सकाळ झाली". पावसाचा लपंडावचा खेळ सुरूच झाला जणू रात्रीपुरती time plz घेतली होती. सगळं छान चालू होत.

 पण मला मात्र मुंबई किंग वडापाव ची खूपच आठवण येत होती😢

"काश मेरे पास जिनी होता तो मेरी ख्वाहिश," जो हुक्म मेरे आका", म्हणताच पूर्ण झाली असती. " असो माझ्या "हक्काचा जिनी" तर झोपला होता😛

पण झाली बाई इच्छा पूर्ण 😁राहवलं नाही मला शेवटी म्हंटल दिरांना , "मला मुंबईचा वडापाव खायचा आहे". मग काय आणला त्यांनी😊. 

माझ्यासाठी तर, "आनंदीआनंद गडे जिकडेतिकडे वडापावच दिसे". असे झाले होते.

अहाहा काय वर्णावे ते रुपडे लोभस, गुबगुबीत सोनेरी कांती, भरीव मुद्रा तीसुद्धा लुसलुशीत आणि मऊ पांढऱ्याशुभ्र आसनावर विराजमान झालेली. राजाला नजर नको लागायला, म्हणून पुदिना,कोथिंबीर,आलं, लसूण आणि लाल तिखटाची चटणी " तीट "म्हणून .😊

डोईवर तळलेल्या हिरव्या मिरचीचा, मिठाच्या खड्यांनी सजवलेला जणू हिरेजडित मुकुटच. तो तर त्याच्या बादशाहीपणा ची साक्षच देत होता.
त्यातून येणाऱ्या सुगंधापुढे तर जगातील सर्वात महागडे आणि सुवासिक अत्तर देखील मला फिके वाटते.

असो तर झाली आमची सुवर्णभेट तोही अगदी मुंबईतुन प्रयाण करण्याच्या आधी सुवर्णमध्य गाठून. 

अच्छा तर गुड बाय मुंबईकर✋ नमस्कार तुमच्या ट्रॅफिक मधील परीक्षा बघणाऱ्या संयमाला 🙏 आणि माझा लाडका खाद्यपदार्थांचा बादशहा प्रिय वडापाव मिस you😢 तुला.

सौ. मधुरा देशपांडे ( एक पोटातून वडापाव प्रेमी )

Homemade Pan Pizza

होममेड  पिझ्झा 

"जमला ग बाई जमला, मला तव्यावर पिझ्झा जमला ", 💃💃💃💃 चला बुवा जमला पिझ्झा🍕 एकाच प्रयत्नात 😀कसलं भारी वाटतेय म्हणून सांगू 🤗.

आमचं अर्धांग 👨आणि काळजाचा तुकडा👦 फिरायला गेले होते रविवारी दुपारी. ठरल्याप्रमाणे ते दोघे यायच्या आत मला त्यांच्यासाठी 1 पिझ्झा बनवून ठेवायचा असल्याने  पटकन पिझ्झा साठी लागणारे साहित्य मस्तपैकी टेबलावर मांडून त्याचा मनाजोगा फोटो येईपर्यंत चांगले 10 ते 15 मिनिटे फोटोशूट 📸करून घेतले शेवटी मला हवा तसा फोटो मिळाला एकदाचा.

मग आधी एक तयार पिझ्झा बेस घेतला. त्याची सच्छिद्र बाजू वर ठेवून त्यावर "मेयोनिज" चा थर लावला. त्यावर मग "टोमॅटो केचप" लावले. "पिझ्झा मिक्स" मसाला शिंपडला. मग आवडीच्या "भाज्या" कांदा, टमाटर आणि शिमला मिरची पातळ तसेच उभी बारीक चिरून घेतली. मग त्या संपूर्ण पिझ्झा बेसवर पसरवून टाकल्या.वरून "चिली पावडर" आणि थोडीशी "पार्सले" (वाळलेल्या कोथिंबीर सारखी दिसणारी विदेशी कोथिंबीरची पाने) स्प्रिंकल केली. 
त्यावर मग "Go चिझ slice" चे तुकडे तोडून पसरवले. शेवटी "special पिझ्झा चीझ" किसून त्यावर दाट थर दिला. 

पॅन कम कढई मध्ये थोडस "अमूलच हर्बल बटर" लावून गॅस प्रिहीट करून मंद केला आणि तयार पिझ्झा बेस त्यावर अलगद ठेवला आणि 5 मिनिटे झाकण ठेवले. मधून मधून एकदा चेक 🙄 केले शेवटी 5 मिनिटानंतर गॅस बंद केला आणि 3 मिनिटांच्या अंतराने झाकण काढले, तेव्हा वाफेवर संपूर्ण चीझ छान वितळून गेले होते आणि पिझ्झा बेसची खालची बाजू थोडी कुरकुरीत बदामी रंगाची झाली ,आणि हाय झाकण उघडतातच काय घमघमाट सुटला होता म्हणून सांगू. 😌 🤤

तेवढ्यात आमचे दोघे 👨👦आले म्हणाले ,"अरे वा पिझ्झा 'डोमिनोज कि स्मिथ & जोन्स', मी म्हंटल ," काल शिकली मी बिना ओव्हन चा पिझ्झा बनवायला." त्यावर म्हणतात कसे ," माझ्यामुळे शिकली न म्हणून म्हणतो, आता केक पण शिकून घे म्हणजे ओव्हन च कामच नाही. कसं ". 🤦🙏

मग तो पिझ्झा मग ताटलीत 🍽 काढून जाड चाकूने 🔪 चार भागात विभागून अलग केला.10 मिनिटात पूर्ण फस्त. 
माझा उपास असल्याने पिझ्झ्याकडे बघूनच समाधान मानलं 😐 पण आज स्वतः साठी पुन्हा करणार त्यामुळे घरात दोघांना 👨👦 पण आनंद झाला आहे परत खायला मिळणार म्हणून😝. 

*पिझ्झ्यासाठी 🍕लागणारे साहित्य: 

तयार पिझ्झा बेस
मेयोनिज (तुमच्या आवडीनुसार फ़्लेवर घेऊ शकता)
पिझ्झा मिक्स चा मसाला,
पार्सले
चिली पावडर किंवा फ्लेक्स
GO चीझ SLICE
अमूल हर्बल बटर
HOT अँड SPICY मॅगी सॉस
तुमच्या आवडीच्या भाज्या (पातळ उभे काप करून)

*कृती वर लेखात सविस्तर दिली आहे😎

टीप :
1) पिझ्झा कापताना त्याचा कुरुम करूम आवाज आला म्हणजे खालचा भाग व्यवस्थित भाजला गेला आहे असे समजावे. 
2) तुम्ही असेल तर पिझ्झा कटर देखील वापरू शकता. नाहीतर मोठ्या जाड चाकूचा वापर करू शकता. 3)आवडत असल्यास पनीर, मशरूम, black and ग्रीन ऑलिव्ह, अल्यापिनो इ. टोपींग्स घेऊ शकता. 

नुसती साहित्य आणि कृती न देता छोटासा रेसिपी व्हिडिओ तयार केलाय जेणेकरून पिझ्झा कृती अधिक चांगल्या रीतीने समजेल.
साहित्य :

व्हिडीओ :