अमृतसरी बटाटा + पनीर पराठा
साहित्य:
पराठ्याच्या पारीसाठी - कणिक १ पेला, जिरे १ चमचा, मीठ चवीनुसार, लोणी १/२ वाटी, तेलाचं मोहन २ चमचे, पाणी आवश्यकतेनुसार.
सारणासाठी - बटाटे ३ मध्यम आकाराचे, पनीर हातानी कुस्करलेले १ वाटी, १ बारीक चिरलेला कांदा आणि हिरवी मिरची ३, कोथिंबीर २ चमचे , मीठ चवीनुसार, तिखट २ चमचे, हळद १/२ चमचा, जिरे १ चमचा, धणेपूड १/२ चमचा, तेल फोडणीसाठी.
कृती:
प्रथम बटाटे कुकरमध्ये नीट उकडून घ्या. थंड झाले कि स्मॅशरने कुस्करून गुठळ्या फोडून घ्या. पनीर हातानी बारिक कुस्करून मऊ करून घ्या . कढईत तेल गरम करन त्यात बारीक चिरलेला कांदा आणि हिरवी मिरची साधारण गुलाबी रंगावर परतून घ्या. नंतर त्यात तिखट, हळद, धणेपूड, मीठ आणि जिरे टाकून पुनः घ्या. कुस्करलेले बटाट्याचे सारण टाकून व्यस्थित मिक्स करून झाकण ठेऊन आचेवर ५ मिनिटे वाफ येऊ द्या.
पारीसाठी कणिकेमध्ये मीठ, जिरे आणि तेलाचं मोहन टाकून घट्ट मळून घ्या. १५ मिनिटे झाकून ठेवा.
सारण थंड झाले कि त्यात पनीर हलक्या हाताने मिक्स करा, जास्त दाबून मिक्स करून नका. थोडी बारीक चिरलेली कोथिंबीर घाला. घट्ट भिजवलेल्या कणकेची पोळी लाटून त्यात सारण भरा, पुरचुंडी चा आकार करून पोलीचे तोंड बंद करा म्हणजे सारण लाटताना बाहेर येणार नाही आणि हलक्या हाताने पोळी लाटा. तवा गरम करून खाली लोणी टाका व लाटलेला पराठा त्यावर शेकण्यासाठी हळुवार टाका. वरून देखील लोणी लावून वितळू द्या. एक बाजू खरपूस शेकून झाली कि दुसरी शेका मधे मधे लोणी सोडा.
छान खरपूस भाजल्यावर खाली काढून वरून थोडं लोणी टाकून सॉस बरोबर गरमागरम खायला द्या अमृतसरी बटाटा + पनीर पराठा.