Kairicha Chhunda

कैरीचा छुन्दा  

कैरीचे गोड किसलेले लोणचे

साहित्य:

साल काढून किसलेली हिरवी कैरी ४ वाटी, त्याच्याच बरोबरीने ३ वाटी किसलेला गुळ, तिखट ३ चमचे व आवडीनुसार, मीठ चवीनुसार, जिरेपूड १ चमचा, २ चमचे लवंग पूड 

कृती:

 आदल्या दिवशी कैरी किसून त्यात किसलेला गुळ टाकून ठेवा. दुसर्या दिवशी पसरत भांड्यात अथवा काचेच्या मोठ्या बरणीत भरून वरून स्वच्छ पातळ फडके दुहेरी करून झाकून ८ ते १० दिवस कडक उन्हात ठेवा. म्हणजे त्याला चांगला पाक सुटेल आणि कैरी मुरेल. नंतर तिखट, मीठ, जिरेपूड आणि लवंगपूड कालवून पुन्हा २ दिवस उन्हात ठेवा म्हणजे मिश्रण लवकर एकजीव होते. मला हा छुन्दा करायला आणि पाक सुटायला चान्गले १७ दिवस लागले 

टीप:

हा छुन्दा उपवासालाही चालतो कारण हळद टाकली नाही.  

Fried Dhokla Cuts

 कुरकुरीत ढोकळा काप 

साहित्य:

ढोकळ्याचे तुकडे २ वाटी, मोहरी १ चमचा, कोथिंबीर सजावटीसाठी, किसलेले ओल खोबर २ चमचे, पिठी साखर १ छोटा चमचा,  तेल १ वाटी आवश्यकतेनुसार, गोडलिंबाची ७ ते ८ कोवळी पाने.   

कृती:
ढोकळा पीठ नेहमीसारखे साधारण घट्टसर भिजवावे आणि इडलीपात्रात १५ मिनिटे इडलीसारखे वाफवून घ्यावे.  थंड झाल्यावर इडलीपात्रातून गोल गोल आकाराचे काढून घ्यावे. नंतर १ गोल कापाचे ४ तुकडे याप्रमाणे तुकडे करून बाजूला काढून ठेवा. 
कढईत १ वाटी तेल गरम करून त्यात मोहरी आणि गोडलिंबाची पाने टाकून तडतडू द्या. थंड  झालेले ढोकळ्याचे काप त्यात कुरकुरीत होईपर्यंत शॉलो फ्राय करा. त्यावर पिठी साखर भुरभुरा. आता सर्व्ह करताना त्यावर किसलेले ओले खोबरे आणि कोथिंबीर टाका. सॉस बरोबर खायला द्या.     

Mango Milk Shake

मँगो मिल्क शेक 

साहित्य :

आंब्याचा रस १ वाटी, पिठी साखर आवश्यकतेनुसार, आंब्याच्या बारीक तुकडे केलेल्या फोडी १/२ वाटी, दूध ४ वाटी 

कृती:आंब्याचा रस मिक्सरमध्ये पिठी साखरेसोबत चांगला मिक्स करून घ्या. नंतर Ice-Trey मध्ये थोडा रस आणि आंब्याच्या तयार बारीक फोडी टाकून त्यांचा Cube तयार करून घ्या. फ्रिज मध्ये Mango Cube set झाले कि मिक्सरमध्ये तयार केलेल्या रसात आवश्यकतेनुसार थंड दूध टाकून पुन्हा मिक्सरमध्ये चांगले फिरवून घ्या. 

सर्व्ह करतांना काचेच्या ग्लास मध्ये खाली तयार Mango Cube टाकून वरून थंड मिल्क शेक टाका आणि आंब्याच्या फोडींनी डेकोरेट करून थंड थंड प्यायला द्या. 

Chinchech Gulambt Lonch

चिंचेचं गुळाम्बट लोणचं 

• साहित्य:

बिया काढून सोललेली चिंच १ पाव, तिखट आवडीनुसार १ वाटी, मीठ चवीनुसार, गुळ १/२ kg ( जर गोड आवडत असेल तर प्रमाण वाढवू शकता ), आमचूर पावडर २ चमचे, चाट मसाला १ चमचा, पाणी आवश्यकतेनुसार. 

• कृती:

प्रथम सोललेल्या चिंचा एका मोठ्या वाडग्यात घेऊन त्याला पाण्यानी थोडे ओले करा आणि आवश्यकतेनुसार मीठ टाका. कढईत गुळ आणि थोडे पाणी एकत्र कुणी गुळाचा साधारण पातळ पाक तयार करा त्याला उकळी आली कि त्यात चिंच, तिखट, आमचूर पावडर, चवीनुसार मीठ टाकून चांगले उकळू द्या. 

१० मिनिटे उकळल्यानंतर त्यात चाट मसाला टाकून आच बंद करा. झाकण ठेऊन चिंच पाकात मुरू द्या. 

थंड झाले कि नुस्त बोटानी खायला तयार आहे चिंचेचे गुळाम्बट लोणचं. 

• टीप: 

1. पाकातील लोणचं असल्यामुळे फ्रीज मध्ये न ठेवता वरती काचेच्या बरणीत ठेवलं तरी वर्षभर टिकत.   
2. पाक न करता पण तुम्ही चिंचेचं लोणचं वरील सर्व साहित्य किसलेल्या गुळाबरोबर मिक्स करून काचेच्या बरणीत भरून कडकडीत उन्हात १५ दिवस ठेऊन सुटलेल्या पाकात मुरू द्या छान अलग चव येते.                                                                                                                                                      

My Style Patodyaachi Bhaji

पातोड्याची भाजी 

पाटोड्यांसाठी साहित्य: 

चणा डाळ पीठ २ वाटी, जिरे २ चमचे, ओवा १ चमचे, मीठ चवीनुसार, तिखट १ चमचा, हळद १/२ चमचा, धणेपूड १ चमचा 

रस्सा साहित्य: 

तांदूळ १/२ वाटी, हरभरा डाळ १/२ वाटी,  तेल फोडणीसाठी, जिरे १ चमचा, धणेपूड २ चमचे, तिखट आवडीनुसार, मीठ चवीनुसार, १ मोठा कांदा, १छोटा टमाटा, ४ ते ५ हिरव्या मिरच्या, ५ लसूण पाकळ्या, कोथिंबीर सजावटीसाठी, पाणी आवश्यकतेनुसार 

कृती: 
एका भांड्यात चणा पीठ घेऊन त्यात जिरे, ओवा, तिखट, हळद आणि मीठ एकत्र करा थोडेसे तेलाचे मोहन घाला. पाणी टाकून घट्ट मळून घ्यान . नंतर त्याचे छोटे गोळे बनऊन पोळी लाटून घ्या. पोळी लाटल्यानंतर चाकूने तिचे शंकरपाळ्याच्या आकाराचे तुकडे करून घ्या. ते सर्व पेपरवर काढून घ्या. 

पेपरवर काढल्यानंतर इडली पात्रात वाफवून घ्या. 

आता झणझणीत रस्सा अथवा करी करण्यासाठी तांदूळ, हरभऱ्याची डाळ आणि जिरे कढईत एकत्र खरपूस भाजून घ्या.  मिक्सर मध्ये भाजलेले मिश्रण अगदी बारीक वाटून घ्या. त्यात कांदा, टमाटा आणि हिरवी मिरची,लसूण चे तुकडे करून टाका. सोबतच तिखट, धणेपूड आणि २ चमचे तेल टाकून एकत्र बारीक फिरवून घ्या. खूपच घट्ट वाटल्यास थोडेसे पाणी टाकून पुन्हा फिरवा. मोठ्या वाटीत वाटण काढून घ्या. 

कढईत ३ पळी तेल आणि १/२ चमचा साखर टाकून थोडस जिरे तडतडू द्या. त्यात तयार मिश्रणाचे वाटण टाकून चांगले तेल सुटेपर्यंत परतून घ्या. १५ मिनिटानंतर तेल सुटले कि अंदाजे ३ पेले पाणी टाका. पाण्याला उकळी आली कि त्यात वाफवलेल्या पाटोड्या टाका. सतत हलवत रहा नाहीतर कढईला लागून येतात साधारण २० मिनिटे मंद आचेवर शिजल्यानंतर खाली काढून कोथिंबिरीने सजवा. गरमागरम भाकरी सोबत खायला द्या पातोड्याची भाजी  

टीप :

         १) वाफवून घेतल्यामुळे पातोडी आतून पण शिजते आणि कच्चीही राहत नाही. 

         २) फोडणी करताना किंचित साखर घातली कि छान तर्री येते. 

Maharashtrian Crispy Aluwdi

अळूवडी 

साहित्य :

५ ते ६ लाल दांडीच्या अळूची पाने,  आंबट दही २ वाटी, जिरे २ चमचे, ओवा १ चमचा, तिखट २ चमचे, हळद १/२ चमचा, चिंचेचा कोळ २ चमचे, तेलाचं मोहन २ चमचे, बेसन आवश्यकतेनुसार २ वाटी, मीठ चवीनुसार, साखर १/२ चमचा. वड्या तळणीसाठी तेल ४ वाट्या. 

कृती:
लाल अळूची पाने धुवून पुसून घ्या. एका मोठ्या वाडग्यात बेसन, हळद, तिखट, जिरे, ओवा, चिंचेचा कोळ, मीठ आणि साखर एकत्र मिक्स करा. त्यात तेलाचे मोहन घालून धीरेधीरे दही टाका. साधारण भज्यांपेक्षा घट्ट मिश्रण तयार झाले कि ते अळूच्या उलट्या पानांवर व्यवस्थित पसरवून घेऊन त्याची गोलाकार घडी घाला. 

  

आता इडली पात्रात अथवा कुकरमध्ये शिटी न लावता तेलाचा हात भांड्याला लावून त्यावर अळूच्या बेसन लावलेल्या पानांच्या घड्या ठेऊन ३० मिनिटे वाफ काढा.  ३० मिनिटानंतर काढून घ्या आणि फ्रिज मध्ये १५ मिनिटे थंड करायला ठेवा.

थंड झाल्यावर त्यांचे छोटे छोटे काप करून गरम तेलात मंद आचेवर सोनेरी रंगावर तळून सॉस बरोबर गरमागरम खायला द्या.     

Chinchwani Recipe

चिंचवणी ची रेसिपी 

साहित्य:

बिया काढून सोलून घेतलेल्या १ वाटी चिंचा, तिखट १ चमचा, जिरे १ चमचा, गूळ २ वाटी अथवा आवडीनुसार, तेल फोडणीसाठी, धणेपूड १/२ चमचा, आवडीनुसार काळा व गरम मसाला. ७ ते ८ चारोळ्या, मीठ चवीनुसार, पाणी आवश्यकतेनुसार 

कृती:
चिंचवणी करण्याच्या आदल्या रात्री सोललेल्या चिंचा पाण्यात भिजवून ठेवाव्यात. दुसर्या दिवशी सकाळी त्या चांगल्या पाण्यानी कोळून घ्याव्यात. कढईत तेलाची फोडणी करून त्यात जिरे तडतडल्यावर चिंचेचा कोळ टाकून आवश्यकतेनुसार पाणी, तिखट, मसाला,मीठ  आणि गुळ टाकून उकळू द्या. १० ते १५ मिनिटे उकळल्यानंतर आच बंद करून वरून वरून चारोळी टाकून आवडत असल्यास थंड अथवा जेवताना कोमट सर्व्ह करा. 
तुमची चिंचवणी तयार आहे.