Maharashtra Special Upma Recipe

रवा आणि मूगडाळीचा उपमा 

साहित्य:

बारीक रवा १ मोठी वाटी, पिवळी मुगाची डाळ १/२ छोटी वाटी, १ बारीक चिरलेला कांदा, हिरव्या मिरचीचे ९ ते १० तुकडे, १५ ते २० भाजलेले शेंगदाणे, मोहरी १ चमचा, तेल २ पळी, साखर १ चमचा, मीठ चवीनुसार, कढीपत्ता १ कोवळी दांडी 

कृती: 

कढईत तेल तापल्यावर मोहरी टाकून तडतडल्यावर कांदा आणि मिरची तुकडे परतून घ्या. कांदा सोनेरी रंगावर आला कि त्यात मुगाची डाळ टाकून खरपूस लालसर भाजा. शेवटी कढीपत्ता पाने टाकून रवा टाका. चांगला १० मिनिटे परतल्यावर त्यात उकळलेले गरम पाणी अंदाजाने घालत ढवळत रहा. मीठ टाकून चवीला १ चमचा साखर घाला आणि ५ मिनिटे मंद आचेवर झाकण ठेऊन शिजू द्या. शिजल्यावर वाफ आल्यानंतर ताटलीत काढून किथिंबीर ने गार्निश करा. सोबत लिंबाचे लोणचे अथवा सॉस द्या.