तर्री मिसळ in New Twist with Crunchy Bread Toppings
साहित्य:
२ वाटी भिजवलेली मटकी, उकडलेला बटाटा १ मोठा, कांदा १ बारीक चिरलेला, बारीक चिरलेली कोथिंबीर, बारीक शेव १ वाटी, मिक्स तिखट फारसाण १/२ वाटी, चिंचेचा कोळ २ चमचे, तिखट आवडीनुसार, तेल १/२ वाटी, अमूल बटर १/२ वाटी, टमाटा आवडीनुसार १ छोटा बारीक चिरून, मीठ आवश्यकतेनुसार, ब्रेड क्रम्स १ वाटी.
कृती:
आदल्या रात्री मटकी भिजून मोड आणून घ्यावी. बटाटे उकडून घ्यावे. बटाटे हातानी साधारण स्मॅश करून बाजूला ठेवा. मटकी कुकरमध्ये १ शिटी आणून शिजून घ्या. भाजलेला कांदा आणि आलं वाटून घ्यावे. नंतर तेलाची फोडणी करून घ्यावी त्यात तिखट, चवीला साखर आणि लिंबूरस व मीठ घालावे. नंतर बारीक चिरलेला कांदा, टमाटा, आणि वाटलेला मसाला घालून शिजवलेली मटकी टाकावी. थोडे परतल्यावर उकडून स्मॅश केलेला बटाटा व अंदाजाने २ पेले पाणी घालावे आणि उकळी आल्यावर अमूल बटर टाकावे. चांगले शिजून उकळल्यावर तेलाचा तवंग वर येतो यालाच "तर्री " म्हणतात. वरून थोडी चिंचेचा कोळ घालावा आणि अजुनंच रटरट उकळू द्यावी.
डिश मध्ये सर्व्ह करताना आधी थोडे तिखट फरसाण घालावे मग चिरलेला बारीक कांदा ,बारीक शेव टाकावी नंतर मिसळ ची तर्री टाकून वरून ब्रेड क्रम्स आणि कोथिंबीर व कांद्याचे उभे काप टाकून गरमागरम खायाला द्यावी.
टीप:
मिसळ ची तर्री पाव सोबत पण खाऊ शकता फक्त तेव्हा ब्रेड क्रम्स नका टाकू
पाणी सुटलं तोंडाला😋
ReplyDelete