Sweet Edible Floating Flowers

 पाकातील फुले 

फुलांसाठी  साहित्य:
रवा १ वाटी, ३ ते ४ फूड कलर तुमच्या आवडीचे, पाणी अंदाजाने १/२ वाटीपेक्षाही कमी

एकतारी पाकासाठी साहित्य आणि कृती:

साखर २ वाट्या, पाणी २ वाटी 

एका भांड्यात साखर आणि पाणी एकत्र करून मंद आचेवर उकळू द्या. उकळताना सतत चमच्याने हलवत रहा. म्हणजे साखर भांड्याच्या तळाला लागणार नाही. १५ मिनीटांनी थोड्याशा पाकाला चमच्यानी ताटलीत पडून बघा जर पाकाची तार निघाली तर झाला एकतारी पाक. आचेवरून काढून घेऊन थंड करायला ठेवा. 
   

फुलांवरील दवबिंदूसाठी गोळी पाक साहित्य:

साखर २ चमचे, पाणी ४ चमचे
एकतारी पाक तयार झाल्यावर अजून ५ मिनीटांनी पाक उकळला तर त्याची गोळी बंद पाक तयार होतो.  

फुले तयार करण्यासाठी कृती :

प्रथम रवा घट्ट भिजवून घ्या. नंतर त्याचे छोटे छोटे गोळे बनवा. त्या गोळ्यांमध्ये  वेगवेगळे फूड कलर थोडे पाणी टाकून मऊ मळून घ्या. तयार रंगीत गोळ्यांचे फुल बनवण्यासाठी आधी पाकळ्या तयार करून मग त्यापासून फुल तयार करून घ्या. मंद आचेवर तेलात तळून बाजूला काढून ठेवा.     

फुले तळल्यावर थंड झाली कि त्यावर तुमच्या आवडीनुसार गोळीबंद पाकाचे थेम्ब टाकुन दवबिंदू तयार करा. एकतारी पाक गार झाला कि त्यात फुले टाकून मुरू द्या. 

पाक मुरल्यावर वाटीत सर्व्ह करा पाकातील फुले.