Kairiche Lonche

कैरीचे लोणचे 

साहित्य:

ताज्या टपोऱ्या काळपट कैऱ्या २ किलो, १ वाटी मोहरीची डाळ,१ वाटी लाल तिखट, २ वाट्या मीठ, २ चमचे मेथीदाणे, २ चमचे हिंगपूड चांगल्या वासाची, दीड वाटी गोडेतेल 

कृती:

प्रथम कैऱ्या भरपूर पाण्यात बुडवून स्वच्छ धुवून कोरड्या फडक्याने पुसून घ्या. त्याच्या फोडी करून त्याला हळद मीठ झाकून ठेवा. झाकल्यामुळे पाणी सुटते ते पाणी काढून टाका म्हणजे फोडी नरम पडणार नाही. थोड्या तेलात मेथ्या तळून घ्या त्याची बारीक पूड करा. अर्धा हिंग तळून घ्यावा. आता कैरीच्या फोडी, मेथ्यापूड, काढून ठेवलेला हिंग, मोहरीची डाळ, तिखट आणि मीठ एकत्र करून ठेवा. बरणी स्वच्छ धुवून कोरडी करून घ्या, त्यात तळाशी अर्धी वाटी मीठ पसरवा. त्यावर तयार कैरीचे कालवण लोणचे घाला. वरून गार केलेली तेलाची फोडणी ओता व परत मीठ पसरवा. बरनीचे तोंड पुसून झाकण लावून फडकं बांधा म्हणजे जास्त दिवस टिकेल. दर २ दिवसांनी सतत लोणचं हलवा.

टीप :

 तेल न टाकता हि कैरीचे असे लोणचे वर्षभर टिकते आणि चवही वेगळी लागते.